Wedding Day @ Antonetta & Sebastino [LBA Sound-System]

Quot sunt horae et quot morae, quot annorum spatia,
Quot sunt laudes et quot fraudes, quot in coelis gaudia,
Quot sunt visus et quot risus, quot vivorum studia ;

Quot sunt montes et quot fontes, et quot ignes aetheris,
Quot sunt apes et quot dapes, et quot aves aeris,
Quot sunt metus et quot fletus, quot labores miseris ;

Quot sunt lares et quot pares, quot per mundum flumina,
Quot sunt boves et quot oves, quot in patris germina,
Quot sunt stillae et quot villae, quot villarum nomina ;

Quot sunt leges et quot greges, et quot frondes arborum,
Quot sunt valles et quot calles, et quot umbrae nemorum,
Quot sunt manes et quot canes, et quot momenta temporum ;

Quot sunt formae et quot normae, quot in terris homines,
Quot sunt luctus et quot fluctus, quot in mari turbines,
Quot sunt grues et quot sues, et quot vitae ordines ;

Quot sunt stellae et quot velle, quot in castris milites ;
Quot sunt rura et quot iura, quot in orbe divites,
Quot sunt fures et quot mures, quot in agris limites ;

Quot sunt patres et quot matres et quot matrum pueri,
Quot sunt rogi et quot logi, quot metrorum numeri,
Quot sunt poena, quot catenae, quot in orco miseri ;

Quot sunt mores, quot colores, et quot rerum species,
Quot sunt vites et quot lites, quot bellorum acies,
Quot sunt mortes et quot sortes, quot malorum rabies :

Tot honores, tot favores, et tot laudum titulos [...]